296 DE CURATIONE

Duplicem igitur scopum in Elephantia esse scito, alterum ad
materiam istam remotam, si qua est, quae in corpore redundet,
alterum ad materiam quae circa cutim jam putrescit et contag—
iosa fit; si igitur prior illa materia redundare tibi videbitur,
protinus secare non solum venam basilicam debes, sed et utran—
que, si expediens videbitur, consentientibus caeteris; verum
per initia haec fiant, et quum in aliquo primo oborta est con—
tagio; nam, ubi aut ab alio accepta fuerit, aut in tantum proces—
serit ut fera jam sit, tum, si secabis venam, contagem introrsum
trahes et hominem in majori periculo statues: reliquam vero
materiam digerere oportebit, et mox evacuare; digeremus autem
per ea, quae incidunt et subtiliant et abstergunt, ea commis—
centes quae leviter humectent: quare aptissimum erit serum
caprinum, in quo decoquantur stoechas et thymum et epithy—
mum, et satureia, et scordium, et dictamum Creticum, et Iris,
et seris, et lichen et stratiotis, et ejusmodi, quae varianda erunt
prout et materia modo minus, modo magis exusta est: syrupi
vero erunt, et oxymel, et qui fit de epithymo, et de fumo terrae,
et sabor, et de pomis et ejusmodi. Eyvacuare autem oportebat
per hieras, qualis est Diacolocynthidos, et Ruffi Hiera, et Archi—
genis, necnon et per helleborum, et epithymum, et senam et
polypodium, et similia.

Materia vero, quae pustulas facit, et ipsa quidem digeri
vult; hoc est parari ut absumi possit: faciunt autem hoc, quae
subtiliant, et leniter molliunt; quoniam vero et lentore quodam
ac sorditie referta est ea materia, tum et seminaria contagionis
includit, abstergentibus et exsiccantibus indiget, exsiccantibus
autem non mediocriter, sed validioribus, et aut potentia caus—
ticis, aut propinquis: medicamenta igitur, quae huic contagioni
valent, sunt quale nitrum et sulfur, et helleborus, et cedria,
et thus, et iris, et argentum vivum, et terebenthina, et styrax
liquida, quibus addantur adipes, e quibus placeant taurinus,
vulpinus, ursinus, et leoninus.

Dubitabit autem aliquis quomodo tam calida conveniant,
quoniam tam materia quam seminaria in adustione quadam