284 DE CURATIONE

morbo valet: modus utendi hic est. Radices per transversum
incidantur in assulas tenues rotundas, atque harum unc. I in libr.
XII aquae ponuntur in vase testaceo, capaeci libr. xvI, ac igne
lento ad consumptionem tertiae partis coquuntur; decocti
libr. 1 datur in aurora bibenda, reliquum servatur loco vini potan—
dum; ejusmodi decoctum diebus singulis fit: duas vel tres horas
morari in lectulo oportet, ac sudare, mox surgendum, si videbi—
tur, verum aperto aeri exponi non convenit, nisi post dies septem.
Dantur autem toti curationi dies quinque et viginti fere, ita
ut unciis quinque et viginti tota curatio expleatur: interea omnis
venus cavenda, acerba omnia et concoctu difficilia vitanda. Si
vero careas ea radice, uti potes loco ejus radice cannarum nos—
tratium, cui calamum aromaticum addas: potes et radicem per—
sonatiae decoquere, quae mire sudorem ciet, cui si irim adjungas,
vel xirim, et acorum et calamum aromaticum, et schinanthum,
utiliter facies: ac decocto utendum erit per dies plures. Potest
et aliud decoctum fieri quod intentiones omnes complebit.
Gentianae, radicum bulapathi, seu bistortae, costi, aristolo—
chiae, iridis, casiae ligneae, scordii, dictami cretici, quod suf—
ficit de unoquoque: infunde, decoque, ut praedicta. Haec
ergo sunt, quae factis debitis purgationibus, si non recedit mor—
bus, experiri potes, uti blandiora et secura magis.

Nunc et acerba prosequamur, quibus primis temporibus sta—
tim utebantur, ab Empiricis primum inventa: alterum fuit
inunctio, alterum suffitus: quae quamvis Empirice inventa fue—
rint, et a similitudine (ut diximus) ad Scabiem, habent tamen
idoneam rationem: nam ex iis constant quae seminaria exurunt,
et totam materiam exsiccant, et abstergunt, et liquant, et in
sudorem vertunt: materia eorum e causticis potentia est, aut e
propinquis causticis, quibus adduntur convenientissima quaeque.
Quae ergo in unctionem veniunt, alia sunt caustica potentia,
non quidem quale chalcanthum, et arsenicum vocatum, et
sublimatum, sed quale argentum vivum, quae materia fere est
hujus medicamenti; est autem potentia causticum, quod ex sub—
tilissimis atque igneis partibus constat, quod sublimatum os—
tendit: ubi igitur particulae illae intra corpus aectu factae sunt,