282 DE CURATIONE

non eam quae ex alimento fit, quatenus alimentum est, sed
magis illam quae circa humores fit, ut & medicamento: biscoctus
autem panis quatenus alimentum membra exsiccat, quod non
quaerimus, quatenus autem medicamentum, (quando et ipse
siccus est) et qualitate, et imbibitione potest certe exsiccare,
sed ad humores non transit haec exsiccatio, nisi prius exsiccetur
sanguis ab alimento faetus, quare et superstitiosum semper
existimavi hunc usum, et affectatum, et parum utilem. Spuma
vero quam collegisti, illinenda sunt ulcera, siqua sunt, necnon et
callositates omnes, et loca quae dolent. Porro satis esse sole—
bant huic potui dies triginta, nunc plures requiruntur, sive
quod materia crassior et terrestrior facta sit quam primis tempo—
ribus, sive quod non utamur ligno antiquo, et licentia aegrorum
sit major, qua de causa in majori parte non semel sed bis dari
hunc potum necesse est.

Si vero in vino facere decoctum placet, prius bene consule
et temperaturam aegri, et habitudinem bene spectato, item et
aetatem, et anni tempus. Potest idem decoctum fieri in aquis
sublimatis endiviae, et cichöoreae, et lupulorum, et boraginis,
et similium, quod juvantissimum nonnunquam vidimus: atque
ita se habet quae per guaiacum curatio fit: quo si careas, utere
vel suprascriptis, junipero, citro, cupresso, vel et theda, et tere—
bintho, et cedro, et ebeno, vel cealamo aromatico cum radice
gentianae.

Nunc ad eos veniamus qui per sudorem curant: viae eorum
multiplices, alii per ea sublimata curant quae Elexir vocant;
omnia acutissima, et ignea, periculosa quidem, et vitanda: alii
per ea faciunt quae simpliciter sudorifica dicuntur, quibus et
aromatica admiscent; sic enim et putrefactioni resistunt, et
materiam liquant, et in sudorem vertunt.  Praestantissimum
inventum est radix Cynarum: ea (ut perhibent) e regione Sina—
rum defertur a negotiatoribus iis qui ad Calicut, et Taprobanem,
et ultra navigant: qua incolae utuntur ad aegritudines multas,
praecipue autem ad morbum Gallicum: sudorem plus quam
credi possit, provocat, et exsiccat, quare nec mirum est si huic