278 DE CURATIONE

vero exsiccat quidem magis ea siccitate quae per qualitatem
exsiccare potest, minus vero per eam quae fit a caliditate: quare
simpliciter exsiccat minus, quoniam quae a qualitate ipsa sicca
fit actio, satis pauca est comparatione illius quae a caliditate
fit, confortat autem magis propter stypticitatem: quare, ubi
delicatior esset complexio et desideraretur confortatio mem—
brorum, materia autem subtilior esset, eligendum, quod recens
venit.

Cortice quoque indiscrete multi utuntur, putantes exsiccare
magis, quoniam siccior videtur, sed certe siccior et hic est ea
siccitate quae a qualitate sicca sit, et ab imbibitione, non autem
ea quae a caliditate: quare et minus colliquat et subtiliat minus,
et dissolvit, et sudorem minus movet: quocirca et de ipso idem
dicatur quod de recenti dictum est. E ligno praeterea antiquo
decoctio fiebat multo limpidior et multo acutior, quod propter
densitatem ejus ligni minus de scobe admisceretur, plus autem
acrimoniae quod calidius est; e recenti autem et e cortice plus
admiscetur scobium, quare turbidior fit aqua et amara magis,
minus autem acris, quod tale sit id lignum et cortex: minus
etiam ex hoc de spuma colligitur quam ex antiquo, quoniam
in antiquo plus est de nigra substantia, ubi et plus resinae inest:
quare saepe miratus sum, cur tanta mutatio ejus ligni sit facta,
et quomodo cortex, qui abjici solebat, nunc in tantum pretium
venerit, nisi quod natura medicorum est nova semper inducere,
per quae et plus autoritatis et plus lucri acquiritur: eadem
innovandi cupiditas aquam in qua coquebatur, mutavit in vi—
num, quod rursus indiscrete a multis non sine magno periculo
usurpatur, vidimus enim multos e potu vini illius male affec—
tos in insanabilem aegritudinem decidisse: quare qui complex—
iones calidas et siccas habent, et habitudines extenuatas, mate—
riam morbi adustiorem, ii cavere ab eo potu debent: securius
vero ii accipient, qui crassi sunt et humidi, et quibus materia