272 DE CURATIONE

aliquid eorum sumendum est quae contagioni obsistunt, qua—
lis est theriaca, aut Mithridatum; forte enim per haec ita semi—
naria morbi absumes et interimes, quod non ultra procedet.

Si vero morbus jam non eirca principia fuerit, sed altius radi—
ces egisse cognosces, et jam aut dolores, aut pustulas, aut alia,
indicia adesse, tum non sola seminaria respicere debes, sed
simul et materiam, quae partim inficitur et periclitatur, partim
corrupta est: seminaria tamen nunquam volunt post haberi, sed
semper aut interimi (si potest) aut frangi, aut educi: materia
quae corrupta est, educi vult, quae vero inficitur, restitui, aut et
educi, si multa est: quoniam autem crassa est et sordida, in
multo lentore consistens, nec restitui nec educi potest, nisi
subtilietur et abstergatur, quinimo nisi colliquetur ita ut ab
ea sordities omnis abstergi possit, et aut exsiccari, aut in sudo—
rem abire. Verum quia permista sunt omnia, tum seminaria,
tum materia propter lentorem, amplius et simul sunt pustulae,
et dolores, et saepe gummositates, videndum est si quod unum
ingenium et remedium est, quod omnia exequatur, et omnibus
valeat, an plura requirantur, et quae ea sint; nam sunt qui ten—
tant per purgationes solas, omnia absolvere, alii per inunctiones,
alii per suffitus, alii per ea quae in sudorem convertunt materiam,
alii per ea quae obsistunt contagioni, alii vero modo uno, modo
alio auxilio ad diversa utuntur; quare de his omnibus diligenter
quaerendum videtur.

Primum autem ab evacuatione ordiamur, quam unam sufficere
ad totam curationem aliqui opinati sunt, quod certe et nos in
quibusdam feliciter cessisse vidimus, in quibusdäm autem non
suffecisse: supponamus autem cum in omnibus, tum maxime
in hoc morbo prius digerendam praeparandamque esse materiam
quae educenda mox est; oportere autem calida esse quae huic
malo conveniant, attenuativa, et ut dicunt, incisoria, quoniam