246 DE CURATIONE

potes: si ergo Carbunculus fuerit, qui in orbem urat, et cor—
rumpat membrum, tum protinus, nulla interposita mora, 'aut
candenti ferro totum inure, et seminaria interfice, aut caustico
aliquo age, quale vel Aegyptiacum unguentum, vel fermentum
cum sueco scyllae, et sublimato vocato, quod expeditissimum
est: mox, ubi crusta ceciderit, butyro superimposito, ulceus
mundifica, sed diu adapertum tene: si vero bubo pestifer fue—
rit, sed immaturus, scarifica tamen, et cucurbitula aliqua magna
sanguinem infectum extrahe, mox matura, sed permiscendo
quae evocant et frangunt seminaria; conveniet farina seminis
lini, et fenograeci, et altea, et narcissi, aut lilii radix, et gal—
banum, et opoponacum, et nitrum, et sulfur, et cedria, et styrax
liquida, e quibus emplastrum fiat. / Ad idem valent et diachylon,
et diachalciteos, aut et bubonium contusum, vel solum, vel decoc—
tum cum caepe adjuncto galbano, styrace liquida ex axungia;
est autem (ut arbitror) bubonium, quod graeci der&pæ vocant,
Virgilius amellum appellavit; copiosissimus autem est in agro
nostro in vicinis Benaco collibus; surculi multi ab una radice
quasi sylva quaedam tolluntur, quos vestiunt folia subaspera,
angusta, digito longa, virentia; flores circa summa multi, aspectu
pulchri spectantur, medio lutei, ceu chamaemilae, circum vero
purpurei, in orbem stellae modo dispositis foliis, herba tota mire
ad Bubones valet, unde et Bubonium appellatum fuit. Ubi
igitur abcessus aliquantisper maturuerit, tum ne expectato
exactam maturationem, sed aperi, aut cum ferro, aut caustico
aliquo, mox absterge, verum non levibus, et communibus abster—
sivis, sed dis in quibus est exsiccatio major, qualis est iris, et
aristolochia, et peucedanum, et helleborus, et terebinthina, et
farina lupinorum, et id genus: ad parotidas autem eisdem fere
et concoquentibus, et evocantibus est utendum.

Si igitur per haec fracta aliquantulum aegritudo videbitur spem
aliquam polliceri, per eadem remedia repetita curationem ab—
solve, sin autem contumax adhuc et nihil parens remediis appare—
bit, ego (quod in medium afferam) non aliud majus remedium
excogitare scio quam hoc, quod habet: succi lujulae unc II,
suceci eitri unc I, diascordii nostri drach 1, specierum cordialium