232 DE CURATIONE

qualis est aqua vino granatorum admista, aut aceto, aut syrupo
acetoso, vel suceo citrii, et aurantii mali, et limonis, et similium:
atque haec secure concedi possunt, nihil enim quum nocere pos—
sunt tum vel maxime juvabunt, quod et sicca potentia sint, et
frigida.

Quantum vero ad pulveres spectat, in universum dicatur,
quod eorum quae teruntur, alia propter duritiem, et siccitatem
semper adeo ita constant, ut, quanquam multa opera ea teras,
nunquam tamen apta sint in farinam minui, hoc est in tam
tenues partes qui semper aetu talia non percipiantur, qualia
sunt ferri et aeris segmenta, et marmoris, et vitri, et multorum
lapidum: alia vero sunt, quae quam optime in farinam vertun—
tur, ut margaritae et corallia, et gemmarum multae, similiter
et sphragis, et bolus Armenius, et plures aliae terrae: rursus
quaedam tritorum cum liquidis nunquam ita misceri possunt,
ut in unum coeant; quaedam vero ita coeunt, et coalescunt, ut
actu esse per se nunquam sensu ullo discernantur.  Qui igitur
pulveres in farinam teri non possunt, nec bene cum liquidis
coalescere, hi adhiberi in hae febre non debent, quoniam aut in
stomacho, aut in intestinis residebunt, aut quo oportebat non
distribuentur, quare indigesti nocebunt non parum: qui vero in
farinam bene conteri possunt, et bene cum liquidis coalescere
hi non modo cavendi non sunt, sed maxime affectandi, quoniam
antipathiam tum materialem, tum spiritualem adversus con—
tagiones habent; tum vero et intermisti humoribus alia etiam—
num ratione prohibent putrefactionem illorum, propter subtilita—
tem autem et tenuitatem, ad quam redacti sunt, neque obstruere
possunt, neque expulsionem ullam impedire: ejusmodi autem
sunt, et sphragis Lemnia, et bolus Armenius, et margaritae, et
corallia, et hyacinthi, et sapphiri, et tormentilla, et bistorta&
vocata, et cornu cervi, et monocerotis, et scordium, et id genus
multa.

De smaragdo autem specialiter dicendo, ego quidem ab anti—
quis nullam talem attributam illi praerogativam invenio, qualem
recentiores quidam medici attribuunt: quoniam autem de re—
rum virtutibus loqui possumus aut per experientiam factam,
aut per rationem, ego quidem super hac re experientiam suffi—
cientem fieri satis difficile arbitror: nam etsi aliqui assumpto