CAPUT V
pE CURA FEBRIUM PESTILENTUM COMMUNI

Nunc vero ad eas pertranseamus, quae pestilentes vocantur
febres, quod vel partem majorem perdant, vel multos saltem:
quarum, quae majorem partem perdunt, vere pestilentes dicun—
tur, quae vero multos solum, malignae magis dici solent: quo—
niam autem gradibus solum differunt, et communem quandam
naturam habent, communes primum earum curationes et inten—
tiones trademus, mox et proprias prosequemur.

Ergo iis primum consideratis, quae diximus esse circa conta—
giones consideranda, analogia scilicet, loco, tempore, et ante alia
morbi origine, extrinseca ne sit, an intrinseca, seito et in his illa
tria praecipue esse attendenda, ad quae prius diximus esse omnem
intentionem dirigendam, seminaria scilicet, materiam peri—
clitantem, et eam quae periclitata jam et prorsus corrupta est,
ac quoniam supra dietum est seminaria posse universaliter vel
extingui, vel frangi, vel educi, vel per antipathias repelli, vi—
dendum est, quaenam ex his in pestilentibus febribus convenire
possint.

Ac primum quidem extingui seminaria per urentia non datur
quoniam febris jam introrsum facta est, nec satis tutum est
introrsum assumere quae urunt: extra vero si apponas, aut nihil
operaberis, aut contagem exagitabis vehementius, quare per alia
ingenia age. Utrum autem extingui per frigida possint, ut per
aquae potum, dubitationem habet, quoniam, etsi aqua, quatenus
frigida, juvare possit, attamen quatenus humida, obesse non
parum videbitur, quod augeat putrefactionem: non solum igitur
propter hanc causam nocere potus aquae potest, sed et ob illud

210