208 DE CURATIONE

est, quod ebullitio sanguinis interdum temperata est interdum
non temperata, sed aut major, quam oportet, aut tenuior, quam
oportet: si igitur temperata est, crassior autem humor, qui
fervet, tum neque lentes, neque tragacantha adjungi debet, sed
sat erunt, quae subtiliant: at ubi intemperata est, et major, quam
oportet, aut, quod excernitur, nimis subtile visum fuerit, tum
si praedictis addantur lentes, et tragacantha, recte facies, quo—
niam ita ebullitionem temperabis: quod et in sputo saepe fieri
oportet, quum plus aequo tenue est.  Nec plura de his febribus
dicantur.