CAPUT IV
DE CURATIONE FEBRIUM vARIOLARUM ET MORBILLORUM

Inter febres, quae in contagione versantur, illae prius percur—
sae fuere, quae vocatas Variolas, et Morbillos emittunt, utpote
minus ferae, de quibus quidem agemus, quatenus nondum pes—
tilentes sunt, nam et ipsae in pestilentiis saepe visuntur, simplici—
ter autem pestilentes non sunt. Quoniam igitur diximus expul—
sationem illam Variolarum, Morbillorumque  quodammodo
erisim quandam esse, et sequestrationem menstruae infectionis &
sanguine, nulla tibi esse alia intentio debet, quam ut non impedias
expellentem naturam, sed juves potius, si opus est: quippe
eam impediunt nonnulli interdum phlebotomiis, interdum purga—
toriis pharmacis: quare, quum tu videris febrem esse ejus—
modi, quae eas expulsiones aut faciat, aut factura sit, tum abstine
& medicamentis omnibus, sed naturam sine per se agere, nisi
forte a principio magnam plenitudinem fueris conspicatus,
tum enim licet uti purgante pharmaco, sed non acri et molesto.
Quod si juvanda natura sit, locum prius procura, ut calidus
decenter existat, ut aeger pannis convenienter tegatur, et iis
rubentibus, ut levi utatur cibo, vino abstineat: tum vide quae
causae prohibeant expulsionem, num carnis densitas sit, aut
erassities materiae; tunc enim juvanda est natura iis, quae
foramina cutis aperiunt, et materiam attenuant, quales sunt
caricae, et foeniculus, et carvi, et apium, et similia, ex quibus
ecommode decocta fient: sunt qui addant lentes abjecta prima
aqua decoctas, aliqui, qui et tragacantham: quod quidem forte
 miretur aliquis, quando in lentibus et tragacantha contraria
magis videtur intentio inesse, quum et ingrossent, et inspis—
sent sanguinem, et cutim obstruant. Verum ita res accipienda

206