200 DE CURATIONE

cent, sed quod constare materiam faciant glutino ipso: pro—
hibent autem et intermisti pulveres quidam, imputrescibiles
ipsi existentes, subtilissime igitur divisi, et interjecti inter partes,
materiae partim alterantis actionem impediunt interpositi
ipsi, partim materiam continent, ne dissolvatur, nexu quodam,
simili modo, quo arena immista calci tenacem nexum operatur,
et aquae farina; penetrant enim humida minima in tenuissimos
vocatos poros siccorum, unde separari non possunt propter
vacuum, nullo existente alio, quod subingrediatur, quod maxime
ad fortitudinem mistionis valet. Non negligenda autem est,
nec parvi facienda minimorum intermistorum actio: quis putaret
in multo laecte interposito pauco coagulo, aut tenui pulvere
plumae floris cynarae coagulari lac totum? quis crederet in magno
aheno  ebulliente saecaro, ac prae fervore jam erumpente,
sisti tamen, et constare, ac deponere eruptionem, et tumorem
omnem imposito paucissimo butyro? quod vero attinet ad
putrefactionem, nonne videmus conservari vina in magnis
doliis intermisto pauco alumine, quae alioqui citissime  putre—
scant? quare nec mirum esse debet, si et eas, quae in nobis
fiunt, putrefactiones per interpositos pulveres quosdam prohi—
beamus. Atque haec quidem ad materiam, quae jam pericli—
tatur, idonea remedia sunt.

Ad eam vero materiam, quae jam corrupta est, et restitui
non potest, una intentio est removendi eam e corpore, quod
aut pharmacis fit, quum scilicet materia introrsum est, aut inci—
sionibus, vel dissolutivis, quum est extrorsum: habet autem et
haec digestiones suas a medico praeparandas, non eas quidem,
quae ad benignum restituunt, sed eas quae evacuationem faci—
liorem reddunt: de quibus omnibus in particularibus morbis
distinctius agemus, nunc enim generales magis percurrimus;