194 DE CURATIONE

adversus seminaria; diximus enim in natura dissensum hunc
rerum esse, ut sese mutuo nonnulla pellant: quare sicut et venena,
et seminaria contagionum antipathiam habent ad animam, et
naturalem calorem, ita et quaedam alia sunt, quae uti antidota
quaedam antipathiam quoque et ad venena, et ad seminaria
ipsa habent, et ea repellunt: fortasse autem et eadem obtundunt
alio modo: nam, quoniam species tum veneni, tum contagionis ad
animam uti inamabilis, et ingrata fertur, et tristitiam ingerit, ita
species eorum, quae antidota sunt, uti grata et laeta recipitur,
qua e causa obtunditur passio prior a veneno et contage illata,
et vigoratur anima: quod in foetore omni fieri manifestum est,
ubi per odorata recreari nos sentimus. Quod igitur in contagioni—
bus antipathia haec versetur, quae recreet per odorem, manifes— '
tum est: utrum autem et illa quoque adsit, quae repellat, et si
non ita manifestum est, rationabile est tamen, et in venenis man—
ifestissimum: constat enim assumptis quibusdam antidotis vim
omnem veneni subito tolli, quod non alia facultate fieri posse
videtur, quam per spiritualem speciem, quae praecipue repellat:
venenum, tametsi per materiales etiam qualitates operetur an—
tidotum.

Constat quoque rusticos quosdam, quum forte secarent her—
bas, demorsos fuisse a Vipera, ac repente inflatos, apposita
autem Tormentilla vocata herba supra locum statim liberatos
fuisse. Nos quoque mirum quiddam vidimus in bolo armenio:
villicus enim quidam noster, quum a me forte proficisceretur
in forum inter eundum sensit se in collo pungi, nesciens, qua e
re contigisset: statim autem faeto tumore ingenti et strangula«—
tione quadam ad me reversus, nec quicquam loquens, sed solum
digito locum commonstrans prostravit sese super capsa, mugiens
quasi moriturus: ego bestiam aliquam venenosam ratus, qui
neque Carbunculi signa ulla vidissem, nec alterius eorum, quae
oriri in nobis solent, bolum Armenium statim propinavi cum
aceto, ut forte excellens apud me erat bolus quo assumpto
confestim, et quodam quasi miraculo detumuit locus, ac surgens