166 ' DE CONTAGIOSIS MORBIS

quod et porcorum carnes maxime aptae sunt ad Elephantias
inducendas, ex iis enim multus fit sanguis exuri idoneus.

Quod vero Galenus scribit, non est quod regiones comparet
nisi in victu, cujus causa Aegyptus familiarem habet eam labem,
Germani vero, et Scythae minus ex hac causa, Scythae autem
minime propter lactis usum: qui vero in ealidis regionibus
degunt, crassum quidem et ipsi sanguinem habent, et densam
cutem, sed alia de causa, quare et ipsis maxime exuritur sub
eute sanguis, et putrescit: mediis autem in regionibus tempe—
ratior est sanguis, et bene transpirabilis caro: Mulieres vero,
et Eunuchi, qui mulieribus similes sunt, propter frigiditatem
sanguinis et aquositatem minus eo tenentur morbo. Dolores
vero non excitat Elephantia, nec convulsiones, uti in Gallico
morbo spectantur, quoniam in sicco magis consistit, et materia,
si qua est, non residet circa nervos et lacertos, sed circa summa
consistit magis, propter quod nec febrem facit.

Quaerat autem fortasse quis, cur furorem non faciat haec pas—
sio, nec amentiam, quum in melancholia exusta consistat: causam
inde esse censendum est, quod in furore, et amentia exustio
praecipue circa cor et cerebrum versatur, in Elephantia autem
eirca cutim magis: quod si sanguis forte et introrsum uratur,
non ita tamen exuritur, ut furorem faciat, natura semper ad
summa pellente, quod vitiatur. Tument autem membra, quo—
niam materia multa sub eute collecta calefit non transpirans,
et coextenditur: porro et nutrimentum in iis locis non plane
concoctum, sed vitiocsum in tumorem concrescit.  Pruritus
vero fit propter acrimoniam adustionis, propter pruritum autem
tentigo circa genitalia, ad quod non parum facit natura melan—
choliae, quae spirituosa maxime est, ut Aristoteles docet.

A facie vero id malum incipit, quoniam exhalatio omnis
facillime sursum fertur praesertim ad faciem, ad quam venulae
multae terminantur, quae et spongiosa est, unde et aliae multae
infectiones faciem praecipue tentant, ut Ionthi, et id genus.