162 DE CONTAGIOSIS MORBIS

nigra. / Cutis deinde varia fit colore, duritia, asperitate, attenua«
tione, quippe alibi livida fit, alibi alba, alibi in atro ruffa, dura
hie, illice lenior, alicubi aspera, et squammosa, alicubi crassa,
et veluti corium igne induratum.  Pustulae simul per totum cor—
pus enascuntur durae, et, ut plurimum, purpurascentes, quae
traectu temporis exulcerantur, et pus emittunt, verum non mul—
tum, ac siccius, quam in Syphilide. Circum tumescunt vicina
membra, et alia contrahuntur, alia extenduntur: propter quod
multis excavatur nasus, os utrinque contrahitur versus aures,
oculi rotundantur, et similes satyris (qui pinguntur) fiunt, unde
et Satyriasis etiam is morbus appellari consuevit, quanquam sunt,
qui Satyriasim dictum putent propter tentiginem nimiam vene—
ris, quae eo in morbo contingit: tument deinde digiti in pedi—
bus ac manibus, ac pedes similes fiunt Elephantum pedibus,
unde quidam volunt esse Elephantiasim appellatum, quanquam
Archigenes a magnitudine morbi ita vocatum dicat. Ad haec
autem et venulae, quae sub lingua sunt, ceu varicosae fiunt,
pruritus adest, et cum eo tentigo veneris vehemens: foetent mox,
et tolerari jam non possunt, et multis alba per totum fit cutis,
quae insanabilis habetur. Contagiosus porro est morbus non
contactu solo, sed et fomite, et anhelitu etiam, quanquam
tarde irrepat, et sese propaget: in viros autem grassatur magis,
quam in mulieres: quin et eunuchi paucissimi visi sunt eo malo
correpti, propter quod et nonnullos legimus sese castravisse
ne eo tentarentur. Nationum vero aliae familiarem habent, ut
Aegyptus, et Judaea, aliae vix novere: simpliciter autem extremae
calidae, et frigidae regiones eam labem sentiunt magis, quam
mediae, ut Aetius authoritate Archigenis refert, propter quod
Germani, et Scythae, et Aegyptii, et Arabes maxime illi obnoxii
sunt (quanquam Galenus contradicere videtur Archigeni, qui
Germanos, et Scythas carere hoc morbo dicit), Itali vero et
Graeci minus: et certe semper apud nos visus raro fuit is mor—