156 £ ^ DE CONTAGIOSIS MORBIS

decidunt pili materia quadam alba mucilaginosa coextenta ad
radices eorum, nam vidimus quosdam, quibus barba deciderat,
consimilem quendam sub eute coextentum humorem habuisse: .
quod facillime potest nunc evenire in evaporatione, et secre—
tione, quae fit ab ea materia jam pene vitrea coagulatis vapori—
bus, ubi ad pilorum radices pervenere: quocunque igitur modo
id fiat, existimandum est senium jam hujus morbi inecoepisse,
nec longe post futurum, ut ne per contagem quidem se propaget,
quoniam materia in dies frigidior fit, et terrestrior, in qua et
seminaria tum pauciora, tum et debiliora in dies gignuntur;
propter quod nec tam facile concipitur nunc ea contagio, uti
prius solebat: quare et tandem fiet, ut nec sese possit propagare,
sed desinat, reversura mox, quum eadem principia, et eaedem
ceausae revertentur. Est autem certis regionibus familiaris
contages, ut in Hispana vocata insula, et vicinis aliis, quoniam
(ut diximus) ea dispositio, quam ad nos temporis longitudo
attulit, illic connaturalis viget huic morbo gignendo, quem—
admodum Elephantiae Aegyptus Judaeaque familiaritatem
quandam habent. Quae igitur principia et causae fuerint
novae hujus contagionis, et quo consistat, et quam habeat
analogiam, et quae sint ejus accidentia, et notae, per haec
haetenus determinatum sit.