150 DE CONTAGIOSIS MORBIS

et, quum aeccidit, magna semper apportare consuevit, tum quod
ea sidera potentissima sunt, tum quod unio illa diu perdurat
propter motus tarditatem, preaesertim Saturni, et Jovis: quam
conjunctionem videntes Astrologi novas magnasque aegritu—
dines portendi praedixere: si quid igitur probabiliter dici potest
de principio tantae contagionis, ita certe existimandum est.
Ergo facto eo siderum conventu ingentem vaporum tractionem
fuisse factam credendum est, qui commisti aeri, diversimodeque
agitati tandem sordidam putrefactionem intulerint, a qua
seminaria illa in nos importata fuere, quae ad sordidos et mucosos
humores, quale est phlegma crassum et mucosum, haberent
analogiam: unde tandem contagio illa enata est, quae mox tot
mortalium, tot regiones male affecit, partim quidem aere ipso
principia et seminaria immittente, partim de uno in alium con—
tagione pertranseunte: ac de origine morbi et principiis ejus
ita traditum sit.

Quod vero et materia ejus, ad quam ea principia habuerunt
analogiam, sit phlegma sordidum et erassum, ut diximus, mani—
festissimum esse potest: si enim pustulas inspiciamus, illae
omnes pingues, mucore inecredibili manantes fuere: si vero
gummositates, et illae concreto phlegmate constabant: quod
si et ad dolores ipsos lacertorum, et illi quidem idem ostendent,
erant enim diuturni, extensivi, noctu affligentes: factis item
dissectionibus lentor quidam per nervos et lacertos coextentus
cernebatur: quare nemini dubium esse debet materiam ejus
contagionis esse mucosum phlegma et sordidum. Videntur
autem pustulae ex minus crassa materia originem habuisse,
gummositates ex crassissima, dolores vero ex media quadam:
quippe serpente contage per massam sanguinis, et pabulum sibi
faciente in phlegmate, pars quidem, quae minus crassa, minus—
que segnis erat, extra pellebatur ad cutim, atque illic sensim
concrescebat in pustulas, quae vero crassior aliquanto fuerat,
et minus apta usque ad cutim expelli, residebat circa nervos
et lacertos, ubi coextenta dolores acerbissimos excitabat, cras—