148 DE CONTAGIOSIS MORBIS

Quoniam igitur analogiae suae sunt in contagiosis, et princi—
pia oportet esse analoga (ut dictum est) ad ea, quae affectum
recipiunt, manifestum est principia hujus contagionis ad phlegma
crassum, et sordidum analogiam habuisse; si enim ad pustulas
respiciamus, quae eo in morbo apparuere, si ad gummositates,
si ad lacertorum dolores, ubique quidem videbimus non nisi mu—
corem et sorditiem, et demum phlegma lentum, mucilagineum,
crassum: quare et seminaria, a quibus contagio per se omnis
dependet, talia quoque suo modo fuisse censendum est; quo—
circa et aerem, unde origo fuit morbi, dispositionem ejusmodi
contraxisse; cujus seminaria lenta quoque et phlegmati con—
simili analoga essent, et in eo aliorum rursus seminariorum
productiva, talium qualia et prima fuere. Quoniam autem ero—
dit atque exest contagio haec, oportet et seminaria illius acria
esse, quamquam in lentore multo obsepta sepultaque. Taliæ
igitur principia habuisse infectionem hanc putandum est, atque
in aere sordidam quandam obrepsisse putrefactionem, quae mox
ad crassum et sordidum phlegma in nobis habuisset analogiam:
quo autem pacto, et quibus de causis in aere ejusmodi dispo—
sitio facta fuerit, difficile quidem est certo scire: si quid tamen
rationabiliter conjici potest, hoc certe erit.  Quaecunque enim
causa et principium id fecerit, oportet illud ex iis esse, quae
raro eveniunt, siquidem et dispositio illa in aere, quae raro
visam contagem hanc peperit, ex iis est, quae raro contingunt:
quoniam igitur (ut supra diximus) quae hic sunt, maxime a su—
perioribus, caelo scilicet, et sideribus alterantur, et variis affi—
ciuntur modis, nihil aliud esse posse videtur, quod in tot regiones
per tantum spatii potuerit aerem tam male afficere, nisi caeli
et siderum constitutiones, et eae quidem, quae et raro accidunt,
et magna, quum accidunt, possint efficere: supra autem mon—
stratum est tum magna et portentosa posse huc sidera inducere,
quum plura eorum in unum coeunt, ac talem certe coitum et
conventum siderum vidit tempestas nostra trium superiorum,
Saturni, Jovis, et Martis, qui conventus et raro accidere solet,