114 DE CONTAGIOSIS MORBIS

mox febris in nobis primo pestilens fit, et ab uno in alium trans—
mittitur: aliae et in nobis primo fiunt non vitio aeris, sed alio—
rum ut ciborum, et universaliter vitio eorum quae pravas putre—
factiones facere consuevere.

Quoniam igitur celerrime suscipitur haec contagio existi—
mandum est acutissima et subtilissima esse earum febrium
seminaria, et analogiam praecipue habere aut ad spiritus, et
spiritualia, aut ad biliosos humores: qua de causa nonnullae
interficiunt paucis horis, quae scilicet ad spiritus, et spiritualia,
analoga sunt, et antipathiam habent non solum materialem, sed
et spiritualem: nonnullae serius necant, perdunt autem vel
omnes, vel majorem partem: omnes quidem, quae ad spiritus,
et ad cor habent antipathiam utramque, maxime autem ab aere
pendent, et per anhelitum attrahuntur: majorem partem, quae
in humoribus sedem habent biliosis, aut sanguine exusto, aut
etiam puro, propter quae et vigiliae magis adsunt in his febri—
bus, quam in aliis: quae tamen in sanguine fiunt (praesertim si
pituita abundet) conjunctum vigiliis somnum afferunt. . Caete—
rum mites et hae videntur, quanquam ingens sit aegritudo: caus&a
eadem quae in aliis, quod profunda est putrefaectio, et sordida,
in qua acrimonia non plane percipitur, tum quod obtunditur
a multo humido, quod evaporat, cujus signum est lenta esse
seminaria et fomitem relinquere, tum quod sensus hebetes per
se sunt: quod si nonnullae ardentissimae videntur per initia, hoc
ideirco accidit, quod nondum putrefactio profunda est, sed
febres illae in nobis primo incipiunt tales quales aliae, quae
contagiosae non sunt, cholericae autem ut plurimum, mox pro—
funda fit putrefactio, et contagiosa ac lenior incipit febris videri.

Pulsus propter praedictam in aliis causam rariores et humi—
liores videntur, quod natura non audet venas tollere, ne aditum
veneno aperiat. Quod autem urinae similes sanis appareant