CAPUT VIII
DE VERE PESTIFERIS FEBRIBUS

Quae vero pestiferae propriae dicuntur febres, partim quidem
cum his conveniunt, partim differunt: conveniunt quidem natur&æ
quadam communi, quod contagiosae omnes sunt, et per eundem
modum afficiunt, differunt autem, quod pestilentum contagio
longe promptior est, et celerrimae susceptionis; tum vero et fomi—
tem quoque relinquit, et ad distans sese etiam extendit, item
et aut omnes, aut majorem partem eorum perdit, ad quos pertin—
git. Saeviora quoque sunt et reliqua accidentia, nam et virtus
velocissime et multa exsolvitur, et perturbatio quae interna est,
longe major sentitur: nonnullae quoque sunt, quae per interna ar—
dentissimam febrem apportant, tametsi reliquae, et illae etiam
mox, lenes apparent pro natura totius generis: vigiliae ut pluri—
mum infectos tentant, quandoque sopore commistae: pulsus et
in his, quales in aliis percipiuntur, rariores, et humiliores, quam
aegritudo videatur poscere: urinae conturbatae, aut albae, aut,
etiam similes sanis: egestiones corruptae, liquidae, foetentes: in
quibusdam bubones, aut parotides, aut alii abscessus apparent:
maculae aut nullae, aut rarius in iis visae, quod alioquin mirum
est, quum materia harum febrium sit longe subtilior. Sunt et
harum differentiae inter se quaedam: aliae extrinsecus in nos
accedunt, praecipue ab aere, qui quum corruptus est, et semi—
naria statim in nos transfert, tum nihil mortalibus miserabilius
potest accidere; verum rarissime contingit, ut ex aeris corrup—
tione pestilentia contingat: aliae ab ipso quidem originem tra—
hunt, sed non statim ab eo seminaria recipiunt, sed aut vapo—
res, aut consimiles quosdam affectus, et dispositiones, a quibus

112