108 DE CONTAGIOSIS MORBIS

bat, quoniam magnum quidem stimulum arguebat, et naturam
maxime cogi ad expellendum qua poterat, contrarium, quod in
majoribus venis inerat: sed ea via non erat idonea ad expel—
lenda seminaria contagionis, quae maxime in minoribus venis
sedem habebant, utpote quae extrinsecus accessissent. Simi—
liter nec multum proderat ventris dejectio, quoniam corrupta
quidem materia expurgabatur, seminaria autem non: quare ex
omnibus convenientior erat, quae per cutim expulsio fiebat, pri—
mum quidem per maculas facta, mox et per sudorem, propter
quod et multi visi sunt evasisse, quibus largus sudor superve—
nisset; per has enim vias magna pars seminariorum una cum
subtili parte sanguinis excernebatur.

Detinebatur autem interdum urina, sive quod absumeretur
aquositas, sive quod alio verteretur, ut in maculas, vel sudorem,
sive quod redundantia nimia humorum, aut crassities vias
obstrueret, sive deficeret virtus, propter quod pessimum erat
signum. Pueros autem, et juvenes carpit magis ea contagio,
quod in iis plus adsit sanguinis, et humidioris, ad quem habet
analogiam: tum vero et ii foramina magis aperta habent, et
calidiores sunt, unde attraetio fit major, tum per venas, tum
per anhelitum, propter quam causam et, qui negotiabantur
magis, magis etiam carpebantur, minus autem otiosi, et frigidi,
et sicci natura, quale fere est senum et Judaeorum genus: mu—
lieres vero frigidae et ipsae sunt, et densioris carnis.

Porro nobiles magis quam plebs hac tanguntur labe, contra
vero pestilentia magis plebs quam nobiles, quoniam pestilentia
potissimum in contagione unius ad alium versatur, minus vitio
aeris, haec autem infectio magis vitio quam transitu unius in
alium: ab ea igitur contagione, quae ab uno in alium transit,
magis cavere nobiles possunt propter divitias, et commoditates