CAPuUT VII
DE CAUSIS

Haec quidem in propatulo erant, et ante oculos: quibus autem
de causis, et quomodo evenissent, magna inter medicos dis—
crepantia, magna.altercatio erat, variis varia existimantibus:
alii adustionem et acuitatem in causa ponebant, alii plenitudi—
nem, alii intranspirationem corporum, alii occultam proprieta—
tem: quare et quisque pro existimatione sua auxilia afferebat
non sine artis ludibrio, quod vulgares non lateret tanta dissen—
sic. Quoniam autem vagantes erant eae febres, et multis uno
tempore communes, communem quoque causam tum habuisse
censendum est, praecipue autem contractam ab aere: quod
satis rationabile apparet, quando anno 1528 praecedente hyeme
austrina, pluviosa, vere quidem multa flumina inundavere, apud
nos quidem Athesis, et Padus, apud alios alia: fuere pariter et
caligines quaedam, quibus arborum germina, olearum praesertim
quam plurima aruere: quibus de causis et principium his febribus
datum credendum est: quae vero sparsae nunc apparent, cau—
sam particularem in nobis habent, in quibus primae fiunt, et
consimilem putrefactionem acquirunt, qualis illa fuit quae pri—
mum ceommunem multis originem ab aere traxit.  Quoniam
autem contagio haec per comparationem ad vere pestilentes,
satis mitis apparet, nec celeriter contrahi solet, nec fomitem
relinquit, nec ad distans protenditur, sed tarde et per tracta—
tionem solam, censendum est seminaria ipsius non esse admo—
dum acria, nec fortem illam elaboratamque mistionem habere,
sed magis apta esse ut et alterentur facilius, et non aggluti—
nentur, quemadmodum alia solent, quae fomitem relinquunt,

104