CAPUT VI
»E FEBRE QUAM LENTICULAS VEL PUNCTICULAS, VOCANT

Sunt et aliae febres, quae mediae quodammodo sunt inter vere
pestilentes et non pestilentes, quoniam ab iis multi quidem
pereunt, multi etiam evadunt: contagiosae autem sunt, et idcirco
naturam pestilentum sapiunt, appellari autem solent malignae
magis quam pestilentes: quales illae fuere, quae annis 1505 et
1528 in Italia primum apparuere, aetate nostra non prius notae,
certis vero regionibus familiares, ut Cypro, et vicinis insulis,
majoribus etiam nostris cognitae, vulgus lenticulas, aut puncti—
culas appellat, quod maculas proferant lenticulis, aut puncturis
pulicum similes, quidam mutatis literis peticulas dicunt; de
quibus diligenter agendum videtur, quod et nunc quoque crebro
visantur, modo communes multis, modo quibusdam particulatim
contingentes: visi etiam sunt, qui ex Italia in alias regiones
profecti, ubi nullae essent ejusmodi febres, ex iis tamen perierint,
quasi secum infectionem detulerint, quod clarissimo et doctis—
simo Viro Andreae Naugerio Oratori pro Illustrissima Venetorum
Republica apud Regem Gallorum annis superioribus contigit.
Ex hac enim labe interiit in ea provincia, in qua ne nomine
quidem nota erat aegritudo ejusmodi, vir ejus doctrinae et
ingenii, ut nulla major literarum jaectura sit facta jam multis
annis.

Contagiosa igitur est et haec febris, sed non celeriter, nec
fomite, et ad distans, sed tantum per tractationem infirmi; per
initia autem quum febres omnes pestilentes placidae sint et
mites, tum haec adeo placide invadit, ut vix admittere medi—
cum aegri velint, unde et medicorum multi primum decepti
sunt, expectantes resolutionem morbi paulo post, nec quicquam
contra parantes: mox vero signa malignae febris aperiebantur:

100