94 DE CONTAGIOSIS MORBIS

quod pulsus parvus sit, et rarus, et anhelitus longior, et angustior,
constrictio vero seu expiratio velocior quam dilatatio et inspira«—
tio: quod et in pulsibus etiam venenatorum contingit, ut saepe
vidimus. Urinae autem ut plurimum subjugalium similes sunt
propter multam et diversorum ebullitionem, quod si humor
crudior fuerit, albida saepe urina fit, et subtilis, si vero sanguinis
excrementa redundent, rubra exit, et confusa propter ebullitio—
nem, quae si subadusta et subtilia fuerint, aut tenui melancholiae
admista, similem vino granatorum urinam faciunt. Sed jam
particulares febres prosequamur.