CAPUT IV
DE DIFFERENTIIS PESTILENTUM FEBRIUM ET ACCIDENTIBUS EARUM

Pestilentum vero febrium, aliae extrinsecus in nos veniunt,
aliae in nobis primo fiunt: aliae omnes perdunt, aliae majorem
partem, aliae multos solum.  Diversa porro est earum analogia,
et admiranda: quaedam ad sanguinem praecipue analogae
sunt, quaedam ad choleram, quaedam et ad humores alios, aliae
promiscue ad omnes, et aliae ad spiritus solos, aut ad ipsos
maxime: et quaedam citissime perdunt, quaedam serius.

Extrinsecus veniunt, quorum seminaria prius concepta sunt
aut in aere, aut terra, et aliis: oportet autem et ea prius cor—
rupta fuisse, si proprie contagio dicenda est, dico autem semi—
naria, non vapores simplices, multum enim differt (ut diximus)
inter seminaria et vapores. In nobis autem primo fiunt, quae e
communibus quidem causis cum aliis originem habent, ut plen—
itudine, obstructionibus, et humorum malitia: verum putre—
faectio et sordida est et conclusa, ejusmodi autem, ut in ea sem—
inaria fiant contagionis perniciosae; nihil enim prohibet saepe
talem in aliquo primo fieri, mox ab illo in alios importari.  Omnes
autem perdunt, quae ad spiritus et spiritualia analogiam habent,
maxime quae extrinsecus veniunt per anhelitum attractae con—
tages: majorem vero partem perimunt, quae ad acutos humores
analogae sunt, praesertim si et ipsae extrinsecus apportentur;
multos autem solum, quae ad crassiores humores rationem
habent; quo autem modo, et quibus de causis diversae sint
analogiae earum, supra quidem demonstratum universaliter fuit,
quare nunc non aliter repetendum erit.

Sed jam de accidentibus earum dicatur, quatenus signa et
notitia earum haberi possint: primum ergo, quod per se has
febres sequitur, est esse contagiosas, quod et maximum est earum

88