86 *8/— DE CONTAGIOSIS MORBIS

assignans humiditatem contractam et praeparantem.

Differunt praeterea hae febres ab aliis putridis in accidentibus
propriis: ad has enim sequitur esse contagiosas ad alium, eujus
causa assignari non aliter potest, quam per rationem seminari—
orum, quae ad alium delata tale in secundo faciunt quale in
primo fuit: quod si pestilens aliqua febris primo in nobis fiat,
nunquam tamen esse pestilentem dicimus, nisi tum, quum semi—
naria contagionis jam faeta sunt: quare aeque est factam esse
febrem ex seminariis, et aptam esse ex iis fieri, atque ea per se
includere.

Si igitur licet pestilentem febrem diffinire, dicemus esse febrem
sordidae, et profundae putrefactionis, includentem seminaria
acustissimae contagionis per se, propter quod et lethalis est, et
ad alium contagiosa: atque haec per se ratio est pestilentis febris,
non autem quod vel cor, vel contenta in eo putrescant: nihil
quidem prohibet et ad illa putrefactionem deferri, praesertim si
analogia ad illa sit, sed sive hoc sit, sive non, ratio non est haec
pestis, sed forte ratio vehementioris pestis, et citius interficientis:
quod autem per se est, et (ut aiunt) formale, est esse febrem
per se includentem seminaria contagionis lethalis: propter
quam causam, quae e venenis fiunt febres, lethales quidem sunt
sed non pestilentes, quoniam contagiosae non sunt ; carent enim
eo quod formale est, et per se ratio pestilentiae.