CAPUT XIII
DE SBIGNIS CONTAGIONUM

Sunt autem et indicia contagionum sua, quorum alia praenun—
tia sunt futurarum, alia praesentes monstrant, ac eorum, quae
praenuntia dicuntur, alia e ecoelo sumuntur, alia ab aere, aliæ
ab iis, quae circa terras et aquas sunt, quorum quaedam ut
plurimum veracia sunt, alia saepe: quare nec per omnia prog—
nosticari, nisi probabiliter, licet. In coelo igitur quum eorum
siderum, qui planetae dicuntur, vides unam in partem plures
convenire, ut saepe accidit plures aut septentrionales fieri, aut
australes, necnon et conjungi etiam invicem, tum scito in ea
parte mutationes magnas circa terras futuras, ac primum quidem
humiditates plurimas sublatis vaporibus multis e terra et aquis,
mox siccitates non parvas consecuturas consumptis tandem
vaporibus et exustione circa terram et aerem facta: haec autem
solent et putrefactiones apportare: quod si conjunctio siderum
illorum sit plurium quidem sub majoribus earum, quae fixae
dicuntur, tum et praedicere potes insignem aliquam portendi
contagionem. Sunt porro et aspectus quidam planetarum,
quibus astronomi haec portenta tribuunt, qui nec /omnino
negligendi sunt, nec semper timendi.

Ex aere porro sua quoque indicia haberi solent, ac primum
quum multae, crebraeque incensiones illae apparent, quae in su—
prema regione e vocato hypocaumate fiunt, ut cadentia sidera,
cometae, trabes, aeges, et id genus, putrefactionem circa terram
fieri ostendunt. Omnia enim haec e fomite unctuoso et lento
fiunt: hoc autem monstrat vapores, qui a terra tolluntur, tales
quoque existere, quod potissimum circa putrefactiones con—
tingit. / Notare praeterea oportet et alias inferioris aeris consti—

64