60 DE CONTAGIONE

mum tamen concomitantur ea, quae per se fiunt: nihil enim
prohibet quaedam per accidens esse, et ut plurimum esse. Aptis—
simae autem sunt ad magna et nova producenda illae siderum
constitutiones, in quibus plures Planetarum in unum coeunt,
praesertim sub insignibus aliquibus earum stellarum quae fixae
dicuntur: raro enim fit, ut quum ejusmodi conventus fiunt,
notabilem aliquem partum et portentum non edant: sed de his
plura fortasse oportet dicere.

Per summa autem errant scabies, porrigo, papulae, lepra et
eirca caput achores, areae, ophiasis, et id genus: horum autem
omnium seminaria crassiora, et minus acria sunt, quam quae in—
tima petunt, haec enim subtiliora sunt, et acria magis, et ad spi—
ritualia magis analoga.  Eorum autem, quae in summo insident,
alia summam eutim tentant, alia profundius immerguntur, quae
in densiori materia sunt, quales sphaceli, et estiomeni, et carbun—
culi, et elephantia, et syphilis morbus, et id genus. Cito autem
afficiunt, quaecunque seminariorum in acrimonia multa consis—
tunt, et subtilia sunt, praesertim per anhelitum cor petentia, quo—
rum analogia est ad spiritus, aut ad subtiliores humorum: at
quorum materia densior est, et analoga ad humores crassiores,
ea tarde serpunt, ut syphilis, et rabies, mortuum autem animal
contagem eam non servat, qua tenebatur vivens, quoniam semi—
naria contagionis una cum calore innato extincta sunt.

Paratiora vero sunt ad contagiones corpora, ad eas quidem
quae primo in nobis fiunt, immunda quidem et valde humida,
et carnis ac foraminum constipatorum: ad eas vero, quae extrin—
secus veniunt paratiora sunt, quae foramina aperta et laxa
habent, calida autem et humida: difficulter autem recipiunt et
serius, quibus frigida est, et sicca, densaque corporis constitutio:
propter quod senes et aniculae minus corripiuntur quam juvenes:
attendendae tamen sunt analogiae contagionum, quae unum
magis quam alium tentant: minus item recipiunt qui per ocium
vitam traducunt, quam vegentes et negotiatores: quosdam porro