58 DE CONTAGIONE

clusa putrefaetio fiat: quae nec similiter, si ad aerem comparetur,
contagio dicitur, quoniam non est consimilis in utroque infectio,
sed si ad alium comparetur, qui secundus sit, et tertius, et quar—
tus, jam contagio dicitur, et aegritudo contagiosa: si vero ab
aere seminaria statim immittantur contagionis in aliquem pri—
mum, et contagio dicitur ab aere accepta, et ad alium apta est
transire: idem enim vitium et aer passus est, quod et ille cui
illatum est: idem et de terra et aqua dicatur, nam et ipsa inter—
dum vapores solos in nos transferunt, interdum et seminaria
ipsa contagionum: quibus autem de causis tum aer, et aqua, et
alia afficiantur, et modo seminaria contagionum concipiant, modo
vapores extraneos et modo alterent solum, recipiendum est nobis
uti notum.

Illud fortasse magis desideraretur, utrum a caelo, et sideribus
contagiones ullae per se dependeant, quando astrologi saepe
quosdam futuros morbos, et Epidemias praedicunt, quemad—
modum Syphilidem sive Gallicum vocatum morbum praedixisse
ipsos constat multo ante, quam apparuisset.  Sed certe (quando
nihil a ecoelo huc demitti potest, quod proxime tangat, nisi
spirituale aliquod, seu lumen, seu tale aliud) si ad ea respicia—
mus, quae supra de actionibus spiritualium dicta sunt, videmus
a coelo nullas contagiones per se fieri posse, per accidens autem
nihil prohibet quasdam ab ipso fieri, ac praedici etiam ab astrolo—
gis posse: qui scientes ea quae a sideribus per se ut plurimum
fiunt, possunt simul et illa praevidere, quae per accidens cum
illis ut plurimum conjunguntur: possunt autem per se sidera
calefacere, ad calefactionem autem sequitur et vaporum plurima
ex aquis, et terris eievatio, qui mox varias, et diversas corrup—
tiones efficiant, modo novas modo consuetas, modo magnas,
prout et siderum constitutiones se habent. Igitur has consider—
antes astrologi, ac docti, quos apportare solent praenuntiant
effectus: qui, quanquam per accidens a sideribus fiunt, ut pluri—