56 DE CONTAGIONE

uere in Italia ab aliis /en£iculae, ab aliis punctficulae appellatae.
Referemus etiam insolitam anni 1514 contagionem, quae in
boves solum irrepsit, visa primo circa Foroiuliensem tractum,
mox sensim et ad Euganeos delata, atque inde in agrum nostrum:
abstinebat primo bos a cibo sine causa alia manifesta, spectan—
tibus autem in ora eorum bubulcis, asperitas quaedam et parvae
pustulae percipiebantur in palato et ore toto: separare protinus
infectum oportebat a reliquo armento, alioqui totum inficiebatur:
paulatim labes illa descendebat in armos, et inde ad pedes: ac
quibus ea permutatio fiebat, sanabantur fere omnes, quibus
autem non fiebat, plurima pars interibat.

Harum ergo contagionum quae extrinsecus veniunt, potissima
causa est aer, quamquam ex aquis, et paludibus, et aliis nihil
prohibet evenire: aptissimus autem est aer, tum quod facillime
et proprias et alienas infectiones concipit, tum quod necessario
eo utimur ad vitam.  Sed illud maxime advertendum est, quod
aer interdum alterat solum calefaciendo, infrigidando, humec—
tando et exsiccando, interdum non solum alterat, sed et vapores
extraneos in nos immittit, interdum non vapores simplices,
sed et seminaria contagionum.  Differt autem seminarium con—
tagionis a vapore simplici, quod vapor alterabile satis est corpus
mistionem non habens fortem in lentore, quale est seminarium:
concurrunt tamen vapores in nos importati multipliciter ad
putrefactiones quae fiunt. Primo enim et obstruunt, deinde et
locum habent alienae caliditatis et humiditatis, tum et immisti
humoribus inamabiles illos reddunt, et ingratos membris, unde
respuuntur, et relinquuntur a natura, ac sic putrescunt: semi—
naria vero non solum haec faciunt, sed maxime faciunt, ac
simul et consimilia sibi alia ceu sobolem procreant, quae ad alium
delata contagionem inferunt.

Si igitur vapores simplices in nos aer importet, non jam con—
tagio est, nec aegritudo per se contagiosa, nisi profunda, et con—