GAPUT XII
pE ALIIS DIFFERENTIIS CONTAGIONIS

Superest nunc ut de differentiis aliis prosequamur, ac earum
causis: neque enim omnes uno modo contagiones se habent;
aliae in nobis primo fiunt, et generantur in aliquo, mox ab illo
in alium transeunt: aliae extrinsecus primo veniunt, et factae,
de uno in alium propagantur: et aliae per summa errant, et vix
cutim carpunt, aliae solidiora occupant, aliae et interna, et
aliae omnia tam interna, quam externa: quaedam porro prompt—
issime inhaerent, et afficiunt, quaedam serius: et aliae se sta—
tim manifestant, aliae non nisi longe post: aliquae ad haec letha—
les sunt, aliquae sine ullo vitae periculo: omnes autem in vivo
corpore natae infectionem disseminare, in mortuo non: et cor—
porum alia suscipiunt facillime, alia aut nunquam, aut cum
difficultate: unde et illud quaeri potest, utrum pestilentiis assu—
escere possimus, sicuti venenis.

In nobis igitur primo oriri seminaria contagionum manifestum
est non solum in scabie, achoribus, phthisi, sed in febribus etiam
quae pestiferae dicuntur: causa est, quod in nobis et humoribus
nostris putrefactiones fieri nihil prohibet, quae et sordidae sint,
et conclusae, a quibus seminaria illa fiant, quae tum lenta, tum
et fortis mistionis sint: haec autem contagiones inferre dictum
est supra, ac in aliquo primo ita fieri posse nemo dubitat. Illud
fortasse dubium esse posset, utrum et in secundo qui afficitur
contingat similiter sordida et conclusa putrefactio, an non; si
enim non contingit, quomodo in eo nova seminaria fiunt, quae
tertium aliquem inficere possint? at si contingit, a quonam fit,

52