CAPuUT XI
IN QUO CONVENIT CUM VENENIS CONTAGIO, ET IN QUO DIFFERAT

Conveniunt autem et cognationem quandam cum venenis ha—
bent nonnullae contagiones, quoniam sicut illa inimicitia quadam
fraudulenta latentia, perdunt animal, et cor petunt, ita et conta—
giones quaedam facere solent: propter quod venenosas solemus
quasdam febrium appellare. Differunt autem inter se non pa—
rum, quod venena nec proprie putrefacere possunt, nec tale in se—
eundum gignere, quale in primo fuit principium et seminarium:
cujus signum est, quod venenati ad alios contagiosi non sunt.
Causa vero iccirco est, quod venenorum est duplex genus, alia
enim spirituali qualitate enecant, qualis est serpentum maxima
pars, et Catablephae aspectus, alia vero materiali qualitate ope—
rantur. Quae igitur per spirituales species agunt, corrumpere
quidem possunt fugando calorem innatum, et tristitiam intolera—
bilem ingerendo, generare autem nihil simile possunt, quoniam
generatio omnis a primis qualitatibus fit; propter quod in vene—
natis nihil tale unquam factum vidimus, quale est quod a Vipera
et Basilisco emittitur. Eorum vero, quae per materialem qual—
itatem operantur, alia calida sunt, ut vocata caustica et uren—
tia, alia frigida, ut opium, et hyosciamus, et id genus: verum
quae calida sunt urentia, omnia in sicco sunt consistentia, quare
et exurere magis apta sunt, quam putrefacere, et contagionem in—
ducere: et si quaedam a medicis putrefactiva dicuntur, hoc tamen
improprie dicitur, simpliciter enim caustica sunt: appellant autem
putrefactiva haec, illa caustica, quod caustica erustam, et voca«—
tam escaram prius faciunt, vocata vero putrefactiva vesicam
prius inducunt, quasi in his calor naturalis evaporet, sicut in iis,
quae putrescunt: verum proprie caustica et illa sunt, ut arseni—
cum, auripigmentum, pythiocampe, et cantharides, quae putre—

48