CAPUT VIII
DE ANALOGIA CONTAGIONUM

Contagionum autem analogiae multiplices quidem sunt et
maxime admirandae: pestis quaedam est arboribus aut satis, ani—
malium nulli obest: contra quaedam tangit animalia, satis et
arboribus parcit: et inter animalia, haec hominem carpit, illa
boves, illa equos, aut alia: sed et in eadem specie, quae pueris et
juvenibus est contagio, senum neminem laedit, et e contrario: nec
quae mares, semper etiam mulieres attingit: promiscue vero alii
certas pestes sensere, alii non: et alii inter pestilentes illaesi
versantur, alii non. Inter membra porro est et sua analogia.
Lippitudo nulli membro nocet nisi oculis. Phthisis vero non
oculis, quanquam delicatioribus, sed pulmoni, Alopeciae et
Achores caput solum tentant. / At vero et in humoribus quaedam
uni est contagio, alii non, quaedam omnibus, aliae spiritus prae—
cipue perdunt: quorum omnium admiranda quaedam ratio est,
assimilantur autem et aliis multis, de quibus omnibus diximus
in iis, quae de sympathia, ubi etiam communes causas perquisi—
vimus quae vel ad rationem agentis referuntur, vel materiae, vel
applicationis, propter quae non omnia agunt in omnia, sed certa
in certa solum, quae analoga dicuntur.  Particulares autem, et
proprias analogias nec institutum nostrum est dicere, nec pru—
dentis inquirere: sat enim in praesenti sit, si non proprias et
propinquissimas causas, at medias tantum sciamus, et ad proxi—
mas nitamur, quantum pro subjecta materia dabitur.

38