36 DE CONTAGIONE

Quod igitur, et quae ad distans fit contagio, per idem com—
mune principium fiat cum aliis, et per eundem modum, et quo
motu feratur, et quomodo penetret, et tantam habeat vim, hac—
tenus dictum sit: quomodo autem particulari et propria quadam
natura ab aliis differat, nunc dicatur.  Ab iis igitur, quae solo
contaectu afficiunt, differre videtur, quod haec in forti mistione
constituta videtur et lentore quodam, illae vero non: ab iis vero
quae fomite solo et contaetu inficiunt, differunt eae, quae ad
distans protenduntur, quod validior adhuc mistio jis inesse
videtur, et subtilitas major, propter quod et penetrant magis
et majorem actionem habent. Fortasse autem et antipathia
ad animal his est, non ea solum, quae materialis dicitur, sed
et spiritualis etiam, quae spiritus potest fugare, et calorem, qui
humorum mistionem continet, propter quod et maxime potest
putrefaectionem inferre, de quo etiam mox dicemus.