32 DE CONTAGIONE

lenta sese defendunt ab alterationibus multis, si mediocres
sint, magnas autem non ferunt: propter quod et ab igne absu—
muntur seminaria omnium contagionum, et ab aqua etiam fri—
gidissima franguntur.

Quod si curiosior quispiam illud quaerat, cur intrinsece saltem
non alterentur haec seminaria, quum e diversis sint mista, sciat
ille non esse hanc solis seminariis propriam quaestionem, sed
et aliis multis communem, ut piperi, calci, euphorbio, pyrrhiti
lapidi, et metallicis, et aliis pluribus quae quum e diversis sint
mista, alterationem tamen nullam intrinsecus, aut nullius mo—
menti patiuntur, sed annos multos immutata perseverant, ut
mirum sit lapides annos mille, et duo millia durare.  Causa
omnium est, quod mistio, quae e diversis fit, ad tam minimas
particulas redacta est, quod propter parvitatem excessum non
habent particulae inter se illum, qui requiritur ad agendum:
qua de causa dum mistio illa eo paecto perstat, dum igneae
partes separatae sunt, et dispersae, sepultaeque in aliis, alteratio
nulla introrsum fit: quare et piper, et euphorbium, et reliqua
traetata manibus frigida sentiuntur: at ubi casu aliquo mistio
illa solvitur, et mutatur, et partes quae ejusdem rationis sunt,
in unum ecoeunt, et majorem quantitatem, et potentiam ad
agendum acquirunt, tum aectu fiunt, et agunt jam: unde et
calx, et piper, et euphorbium jam ealida percipiuntur, quum
prius potentia solum calida essent, actu vero aliter se habentia:
propter eandem causam nec seminaria intrinsecus sese alterant,
quanquam e diversis constent, utpote mista. Quod autem in
tam pauca quantitate vis multa inesse possit, declarat fulgur,
quod non aliud est quam vapor: declarant et euphorbii et pi—
peris, et similium particulae minimae et effugientes visum, quibus
tanta vis a natura tributa est: adeo refert ignem in materia densa
contineri, quanquam parva sit.

Talia quoque sunt seminaria contagionum, omnia enim acria
per se sunt, quanquam in lentore constituta, quae et ipsa actu
fiunt a calore animalis subtiliante eam mistionem, et uniente
partes consimiles: talia autem ad humores et spiritus non par—
vam potentiam habent, quare et perdere etiam possunt pau—