CAPUT III
PE CONTAGIONE QUAE soLo coNTACTU AFFICIT

Videtur autem quae inter fructus contagio versatur, maxime
ejusmodi esse, quae solo contactu afficiat, ut uvae ad uvam,
et pomi ad pomum, quare quaerendum est, quodnam ejus in—
fectionis principium sit: quod enim tangentia sese isthaec
afficiantur, marcescente aliquo illorum primo, manifestum est,
quo autem principio, non manifestum: quoniam autem pri—
mum, unde omnis infectio in alia transit, putrefactum fuit,
censendum est et secundum quoque consimiliter putrefactionem
concepisse, si quidem contagio consimilis erat in utroque infec—
tio. Est autem putrefaectio dissolutio quaedam mistionis calido
innato evaporante, atque humido: ejus vero evaporationis
principium semper est aliena caliditas, sive ea in aere sit, sive
in circumfuso humido: igitur quod in utroque est principium
putrefactionis, idem et contagionis principium erit, caliditas
seilicet extranea; sed ea in primum aut ex aere accessit, aut ex
alio, et contagio nondum dicitur, in secundum autem accessit ex
iis particulis insensibilibus quae evaporant e primo, et jam con—
tagio est quoniam similis est in utroque infectio: potest autem
evaporans e primo ealidum in secundum facere, quod aer in
primum, et similiter putrefacere, imo magis propter analogiam.

Quoniam autem, quae evaporant e primo particulae, aliae qui—
dem sunt calidae et siccae, vel per se, vel ex commistione, aliae
sunt calidae et humidae similiter vel per se, vel ex commis—
tione, videntur quae calidae sunt et siccae aptae quidem exurere
magis, putrefacere autem minus, quae vero calidae et humidae
sunt, e contrario putrefacere aptae magis, exurere vero minus:
humidum enim partes ejus, quod tangit, emollit, ac laxat,
beneque separabiles reddit, calidum autem sursum tollit, ac
separat, unde dissolutio mistionis fit evaporante calido et

8