LIBER I
DE CONTAGIONE

CAPUT I
QUID srr COoNTAGIO

Nunc autem de Contagione prosequamur, cujus gratia tot
de sympathia et antipathia rerum quaesita sunt, ab iis incipi—
entes quae universalia magis videntur, et aliorum principia. Quod
igitur contagio sit quaedam ab uno in aliud transiens infectio,
vel ipsum nomen ostendit: in duobus enim semper contagio
versatur, sive illa duo diversa sint, sive duae continuae unius
partes: verum, quae inter diversa fit, simpliciter et proprie
contagio dicitur, quae vero inter duas unius partes, non pro—
prie, sed quodam modo. Videtur autem et consimilis esse in
utroque infectio, et cui contagio fit, et a quo, tum enim con—
tagionem factam dicimus quum simile quoddam vitium utrum—
que tetigit: quam ob rem, qui hausto veneno pereunt, infectos
quidem fortasse dicimus contagionem autem accepisse, minime:
et in aere quae simpliciter putrescunt, lac, et carnes, et reliqua
ecorrupta quidem vocamus, non autem contagionem passa, nisi et
aer ipse corruptus consimiliter fuerit: de hoc autem diligentius
in sequentibus inquiremus.

Videtur autem actio omnis et passio aut circa rerum substan—
tiam fieri, aut circa accidentia: contagionem autem accepisse
quempiam non appellamus, quod calefaectus ab alio fuerit, aut
faetus vitiosus, nisi per transumptionem: quapropter videtur
contagio consimilis quaedam infectio secundum substantiam.

$2