DEDICATION

linquant, aliae ad distans sese etiam propagent, et morborum cur
alii contagiosi sint, leniores, mitioresque existentes, alii minime
contagiosi, acerbiores ardentioresque multo quum sint, et quo &
venenis contagio differat, et ejusmodi alia multa, nulli dicere
tentavere, satis quidem fecisse rati si horum omnium causas in
occultas illas (ita ipsi vocant) proprietates reduxissent. Quibus
aequiescendum non modo sibi sunt arbitrati, sed et aliis praece—
pere. Atque his contenti in quam plurimis philosophati sunt,
quod certe philosopho homine semper indignum existimavi.

Causarum enim quum quaedam universalissimae sint et remo—
tissimae a rebus, quaedam vero propinquiores et particulares
magis, et demum quaedam propinquissimae et propriae; proprias
quidem et propinquissimas in reconditis et difficilibus attigisse
aut Dei certe est, aut divini.  Universalissimis vero stare, ignavi
et rustici ingenii est, medias vero inquirere et ad proprias niti
(quantum homini datur) philosophi certe est.

Admiraberis autem fortasse duas me hasce materias sumpsisse
scribendas, quarum alteram majores nostri pene intactam reli—
querunt, alteram omnes fateantur ab homine sciri non posse.
Verum enimvero, quod tum sympathiae rerum, tum et naturaæ
contagionum in difficili atque arduo positae sint, et nos quidem
concedimus: quin et ineptum quoque aut arrogantem magis eum
fore dicimus, qui propinquissimas et proprias earum causas prae—
sumat inquirere.  Verumtamen ille si medias pervestiget, multa
illum inventurum non dissido quae tum delectare, tum et mag—
nopere prodesse possint. Quod institutum et mihi ipse in hac
nostra pervestigatione proposui.

Praeteritam vero fuisse a majoribus nostris contagionum ma—
teriam neminem mirari velim, quum id accidat disciplinis omni—
bus ut non omnia ab iis qui eas condunt, absolvi possint, quon—
iam universalia magis et rerum principia prosequantur. Ita in
C