ALEXANDRO FARNESIO CARDINALI AMPLISSIMO
HIERONTMUS FRACASTORIUS VERONENSIS, SALUTEM

. .. Pro eo otio quod mihi concessum fuit, de contagione et
contagiosis morbis omnibus, et eorum curatione scribere mihi
visum est; magna quidem materia et admirationis non parvae
plena. QCui et commentarium adjeci non minus (ut arbitror)
desideratum de consensu et dissensu rerum, quam sympathiam et
antipathiam vocant, sine quo natura contagionum plane perquiri
et monstrari non videbatur. Utrumque autem negotium mihi
eo libentius suscipiendum duxi, quod quum hoc quidem scitu
dignum sit, illud ad salutem mortalium non parum conducere
videatur, tum de utroque quam paucissima quidem a majoribus
nostris, quae extent, quaeque viderimus nos, litteris mandata
sunt.

De sympathia quidem et antipathia rerum Galenus jam sese
nonnulla scripsisse refert, verum ea scripta aut interiere, aut
aetate nostra, quod nos sciamus, adhuc in lucem non pervenere.
De contagione vero Hippocrates quidem circa populariter va—
gantes morbos, nonnulla tetigisse videtur; sed tamen qui
observaret magis quam naturas eorum traderet.

Galenus vero post ipsum plura quidem monstravit, sed et ipse
tamen, et sectator illius Paulus Aegineta, et Aetius Amidenus,
et alii veteres non pauca, ut mihi videtur, reliquere, quae possent
magnopere desiderari. Recentiores autem nihilo plus de con—
tagione videntur dixisse, quam quod ab occulta quadam pro—
prietate proveniat.

Quae autem in universum natura contagionum sit, et quo prin—
cipio afficiant, et quo pacto gignantur, et cur aliae fomitem re—

2,